لو انت من مواليد 1993 و اتولدت في اسرائيل و بدل ما تدخل مدرسة في شبرا مصر دخلت مدرسة في تل ابيب و اتعلمت هناك و لعبت كورة في شوارع تل ابيب و اتمشيت على كورنيش البحر المتوسط في وطنك و مش ارضك ، بعدها بدأت الحياة الأجتماعية العادية لأي مجتمع ، اصبح ليك اصحاب من نفس الشارع و نفس المدينة و حبيت بنت من أحد الأحياء في مدينة تل ابيب ، و جالك الأختيار بين الكليات بعد التخرج من الثانوية ، اخترت انك تطلع مرشد سياحي في اسرائيل وطنك ، زي اي شاب مصري عايز يعرف تاريخ بلده و يطلع يحكيه لولاده و احفاده و ياكل عيش و يشتري شقة و عربية و يتجوز، حياة طبيعية طيب نفترض ان ابوية كان من الناس الي هجرت لأسرائيل بسبب الأضطهاد و قدر يشتغل و يتجوز و يخلف و علم و رباني على قيم المجتمع الأسرائيلي ،وفي الجامعة كان فيه صعوب اني اواجه مجتمع اتفرض عليه رأي ان اسرائيل ارض الأجداد و الأباء ،بدايتها ديماً معاية بسؤال عادي ، ماذا لو كنت أنا او انت اسرائيليين ..!؟ لو كنت مقيد في كلية في مدينة تل ابيب وبتحلم بوظيفة بعد التخرج و في نفس الوقت شايف ان ديه مش أرضك و مش وطنك ولا ده تاريخ ..! طيب نفترض ان انت عايز تسيب اسرائيل و ضد اسلوب الإحتلال و عايز تعيش في دولة عربية لأن اصولك عربية و انت يهودي الديانة هل الدول العربية هترحب بيك و انت بتحمل جواز سفر اسرائيلي ..!؟ طيب هتسيب أمك و ابوك و اخواتك و تكون شاذ عنهم بالفكرة ديه ....؟ تعمل ايه لو انت اتولد اسرائيلي يهودي من اصول عربية .....يتبع
