الإجابة : الطفل المصري اذكى طفل في العالم كان جوياه حاجات كتير مش مقتنع بيها و مش عارف اصدقها لأن الي بسمعه حاجة و الي بشوفوا حاجه تانيه خالص ، يعني مثلا لما بتعدي من قدام مدرسه حكومه بتلاقي الشعارات لأتيه : مدرستي جميله نظيفه متطوره ، و لما تدخل المدرسة النظيفة الجميلة المتطورة بتلاقي مفيش نضافه ولا جمال ولا تطور كل الي بتلاقيه مدرسين نايين و طلاب مزوغين و مدير بيتفرج على التلفزيون و رغم كل ده تظل المدرسة المصرية ترفع شعارات جمليه نظيفه متطوره ، يمكن الكلام ده ممكن تحسه لما تعيش برا مصر فتره و تعيش على اساس انك ابن الفراعنة و انك حفيد الفرعون الي بنى الأهرامات والي عمل حضاره ، انا يمكن فاكر ان لما مصر فازت على ايطاليا في مباراة وديه الناس كانت بتقولي ان الفراعنة عملوها بس لما رجعت مصر و عملت اول زياره للأهرامات كان الوضع مختلف ، سألت نفسي ازاي المصريين الي شيده الأهرامات هما الي عايشين في عشوائيات نزلة السمان و ازاي المصريين الي عمله حضاره على ضفاف النيل هما الي بيغسله في مية النيل! ، و على عكس المثل جحه اولى بلحم ثوره لم يستطع الإنسان المصري فك رموز لغة ابائه و اجداده بل فكها عالم فرنسي، أسأله كتير سألتها من ضمنها ازاي احنا بنملك الكم الهائل من الأثار ديه و مش عارفين ابسط الأشياء عنها زي التحنيط او الغة !
نرجع لنقطه ان الطفل المصري اذكى طفل في العالم ! ، هو فعلا اذكى طفل في العالم بس ازاي و معظم الأطفال في مصر باعه جائلين او متهربين من التعليم او انهم بيخده التعليم كوسيله للحصول على شهاده تضمن لهم الرزق ، فكيف تملك طفل ذكي و تضيع ذكائه في تك تك بدل من ان يصبح طيار او عالم او مهندس ، انا اصلا شايف ان التعليم المصري فاشل و سبب فشله الآباء في سعيهم للوصول إلي كليات القمه الطب و الهندسة مع ان الطالب المصري او الفرعوني بيقعد يدرس من اولى ابتدائي لحد ثانوي للغة العربية ، وفي الأخر يدخل كليه ليس لها علاقه بالغة العربيه ، او ان الطالب المصري يدرس لغة انجليزيه و يدخل اداب لغه عربيه ، لان التعليم في بلدنا ليس بمدأ حب ما تعمل كي تعمل ما تحب التعليم في بلدنا على حسب مكتب التنسيق و كم من تنسيق خسف بطموح شبابنا الأرض و هناك من نصفهم ولكن الكليه صدمتهم بكثافة طلابها و عدم اهتمام اساتذتهم ، كم من ماده علميه بيعت في سبيل النجاح ! عن اخر حاجة احب اقولها او اوصلها للشعب المصري ، انتم ليه كل تفكركم في مين قال و فلان عمل ايه و ده يعرف ربنا ولا لأ و ده تبع الفلول ، ليه فيوم من الأيام مجتمعش الرأي المصري على اساس حل مثلا لي مشكله المواصلات او مشكلة المستشفيات او التعليم او الصحه ، ليه مثلاً مجتمعش الرأي في مجلس الشعب على النقاش في تجميل مدينه الأسكندريه او بناء مواصلات عامه لكل الطبقات التي تعيش في المجتمع المصري ، ليه عمرنا ما فكرنا غير في ان البرادعي عميل و عمرو موسى خمورجي او ده عميل لإسرائيل ، ليه ديما بننظر للمواطن المصري الي من نفس الجلده نظرة تطرف و همجيه الأفضل نظرة الأمل ،،،،،،الأفضل ليكم يا مصريين انكم تتركه التفكير في التطرف و لهمجيه و تنظره لخدمة مجتمعكم و ابنائكم و توفير حياه افضل الإنسان
ليست هناك تعليقات:
إرسال تعليق
النهاية لك ...