احلم !

مش عارف ابدأ منين ولا ازي بس كل الي عايز اقوله ان الواحد لازم يحلم ! ، يحلم بفكره،بمشروع حتى لو بيحلم انه يكون رئيس جمهوريه ، حتى لو الحلم ده شبه مستحيل احلمه ،احلم مع كل أغنيه حلوه بتسمعها ، كلام كتير ممكن تقوله لصحبك أو حبيبتك أو اخوك تشجعه أنه يحلم بأي حاجه مستحيله  يحققها و تساعده انه يحققها ، مع ان الكلام ده مش بيمشي دلوقتي .....

يعني مثلاً الناس الي شغاله في التنميه البشريه مع احترامي لمجهودهم في تعسيف اي interview  بحس انهم تجار ضعف شخصيك و انهم بيحوله يقولوا لك انك حلو و طموح و تقدر بس الكلام ده لو بجد ، لو محتاج حد يقولك الكلام ده يبقى الأحسن انك تقوله لنفسك لأن محدش هيعرف عنك أكتر منك ،،

يمكن الي خلاني اكتب الكلام ده ان كل واحد حلم و قدر يحقق حلمه يرجع يقولك احلم حتى لو مستحيل و احلم انك تحقق حلمك ، اغنيه بستمعها بتقولك احلم ءامن بحلمك بس طريقك طويل احلم هتوصل ، فيلم بتشوفوا حكايته كلها حلم في حلم بس فكرت واحد حلم انه يقدر يوصلك حلمه بأنه وصل لحلمه ، لو انت شايف انه مستحيل شوف كل واحد قدر يوصلك فكرته هتعرف ان احلامك حقيقه ، ايوه شوف باسم يوسف قدر يصنع مليون ضحكه و ضحكه و في نفس الوقت حال بلد يزعل ، بكاميرا و يوتيوب ، شوف عمرو دياب من بورسعيد للقاهره رايح جاي إلي ملايين بتفرح و تحزن و ترقص و تغني لحلمه ، و الي كان معاك من النوبه في ثورتك و ضحكتك و رقصتك و فرحتك و كل حاجه شوفتها او عشتها غنهالك الملك محمد منير ، بحلمه في ان المفروض مرفوض ، اثبت للعالم انك موجد في فكرة اعلانه عن حلمه الي قدر يوصلك 

ايوه كتير مننا بيلاقي في حياته عقده ورا التانيه بس في الأخر لك حلم و ليك رب ، بتدعي له كل يوم انه يساعدك و يقف جنبك حتى لو انت عصيته هو الغفور الرحين ، هو الي خلقك و عارف انك هتغلط و هتستغفر حكمت ربك :) يعني من الأخر حلمك مش واقف على حد لأن الحد ده زيك بيحلم! ، بس المشكله انه ممكن يحلم و يوصل بس شايف ان مفيش غيره بيحلم و ده نسى حكمة ربك، و في نوع تاني مؤمن بكل فكرة حد بيحلمها و ده مؤمن بحكمة ربك انه الحياه حلم للجميع ، و هي ديه الحياه حلم او فكره او مشروع بتحلم تحققه ،يبقى لازم تعرفت انها مش بان حد يقولك انت جميل انت شجاع ، عرفت ان ناس كتير حلمت وقدرت توصل و بتقولك احلم ، عرفت انها مش واقفه على حد ، وفي الأول و الأخر ليك ربك ، بعد كل ده مش عايز تحلم بفكره؟! تعيش و تموت و الناس عايشه الفكره ، بس كده وصراحه هما كلمتين عايز اقولهم ، احلم ، حاول ،أغلط ـ اتعلم ،حمد لله على السلامه :)